ဗိုလ်ချုပ်အောင်ဆန်း

ဖေဖော်ဝါရီ ၁၃ ဟာ
ဗိုလ်ချုပ်မွေးနေ့ပါ
၁၉၁၅ ရှေ့နေ ဦးဖာသား။
ဇာတိ နတ်မောက် မကွေးခရိုင်
သိကြများခုတိုင်
ကြံ့ကြံ့ခိုင်တဲ့ ဇာနည်ဖွား
မိခင်ဒေါ်စုသား။
ပြည်ထောင်စုရဲ့ကျေးဇူးရှင်
ဗိုလ်ချုပ်တို့ဖခင်
ကောင်းစေချင်တဲ့ မှာစကား
ငါတို့ မမေ့အား။
ပြည်ထောင်လွတ်ရေး ကြိုးပမ်းအောင်
ဗိုလ်ချုပ် တို့ခေါင်းဆောင်
ဆိုရှယ်လစ်ဘောင် လမ်းစဉ်များ
ဗိုလ်ချုပ် ချမှတ်သွား။ ။

လေပြည်
၁၃-၂-၂၀၁၁ (ဗိုလ်ချုပ်အောင်ဆန်း ၉၆ နှစ်ပြည့်မွေးနေ့)

ဖူးပွင့်ခွင့် မရသော ကြာဖြူတစ်ပွင့်

ရေကန် အသင့်ပါလ
ချစ်ပန်းငယ် ကြာဖြူပွင့်ရယ်
ဖူးပွင့်စေသား။

မြတ်ဘုရားထံ အမေ ဆုတောင်းသော်လည်း
ရင်ထုကာ ငိုရှုိက်ရပြီပေါ့
ချစ်သော ပန်းကလေး မပွင့်လာ

မြေမှာ ပေါ်ခွင့်မရ
ရေမှာ ပျော်ခွင့်မရတာမို့
ရေကန် အသင့်ပေမယ့်
ကြာတစ်ပွင့် မပွင့်နိုင်ခဲ့ဘူး

အို ... ချစ်တဲ့ အမေ့သား။

လေပြည်
၂၀၁၁ ခုနှစ်၊ ဖေဖော်ဝါရီ ၈ ရက်။ (အင်္ဂါနေ့ ည ၁၂း၀၀ နာရီ)

ကိုဝင်းဇော် + အိမို့ တို့၏ ၂၅ ရက်နေ့တွင်
မွေးဖွားကာ ၂၈ ရက်နေ့တွင် သေဆုံးသွားခဲ့သော
သားဦးကလေး ကောင်းရာမွန်ရာရောက်ပါစေ။

အမေ့ထံသို့ အလောသုံးဆယ် မေးခွန်းများ

အုန်းသီး ငှက်ပျောသီးနဲ့ ဘုရားပန်းစည်းတွေကို သယ်
မိသားစုအတွက် ဆန်လေးပြည်ကိုဆွဲ
ခရမ်းချဉ်သီးပဲ ပါလာတတ်တဲ့အမေ
ကျနော့မေမေ ပင်ပန်းနွမ်းနယ်နေပြီလား။

နေ့လည်မှာ အိမ်အလုပ်တွေ ရှုပ်နေတာမို့
အိပ်ဖို့တောင် အချိန်မရတဲ့ အမေ
ကျနော့မေမေ အင်အားတွေမှ ပြည့်ဖြိုးရဲ့လား။

ဟိုဘက်ရပ်ကွက်မှာ ဈေးလျှော့ပေးတယ်ကြားတိုင်း
သွားတန်းစီရဦးမယ်ဆိုတဲ့ အမေ
အရင်ကလို သွက်လက်နေတုန်းပဲလား။

၅၇ နှစ် ပြည့်ပြီ အမေရေ
အားလုံးက မနေ့တနေ့ကလိုပါပဲ
ဒီနှစ်လည်း ကျနော့ မွေးနေ့လက်ဆောင်က
ကဗျာတစ်ပုဒ်ပဲဖြစ်မယ်ဆိုတာ
အမေ ကြိုသိနေမယ် မဟုတ်လား။

၃ နှစ်လောက် မတွေ့ရတော့
အမေ ဘာတွေများ ပြောင်းလဲသွားမလဲနော်။

သွားတွေများ ကျိုးနေမလား
ပါးရည် နားရည်တွေ တွန့်နေမလား
အရင်လို ဆံပင်ဖြူတွေ ဆေးဆိုးပေးမယ့်သူရော ရှိရဲ့လား
နင်းနှိပ်ပေးမယ့် ကျနော့လို အရိုးတစ်ယောက်ရော ရှိရဲ့လား။

မီးဖိုခန်းထဲ တစ်ယောက်ထဲ စကားတွေပြောနေသေးလား အမေ
ခြံထဲမှာ သီးပင်စားပင်တွေရော စိုက်ပျိုးဖြစ်ရဲ့လား
ကျနော် ပို့တဲ့လက်ဆောင်တွေနဲ့
ပွဲနေ့ပွဲထိုင်ရော တက်ဖြစ်ရဲ့လားအမေ။

အတင်းပြောတဲ့ ကျနော်တို့ရပ်ကွက်မှာ
အမေ့မျက်နှာ ၀င်းဝင်းပပ ရှိပါရဲ့လား။
အမေ စိတ်လက်ချမ်းသာ ရှိပါရဲ့လား။
အမေ ကျန်းကျန်းမာမာ ရှိပါရဲ့လား။

ဒီနှစ်လည်း မွေးနေ့အလှူလေး လုပ်ဦးမှာလားအမေ
ဘာတွေ ကျွေးမွေးလို့
ဘယ်လိုဒါနတွေ ပြုမှာပါလဲအမေ။

ဘာပဲဖြစ်ဖြစ် ပျော်ရွှင်ပါစေအမေရေ
အမေ စိတ်ရွှင်လန်းလို့ ၀င်းပပါစေ။
အမေ ကျန်းမာလို့ နေများကောင်းပါစေလို့
အဝေးမြေမှ ရှစ်ခိုးကန်တော့ ဆုတောင်းလိုက်ပါတယ် အမေ။

လေပြည်
(မေမေ့ ၅၇ နှစ်ပြည့်မွေးနေ့သို့ အမှတ်တရ)
“ယောက်ျားဝါဆို၊ မိန်းမပြာသို”တဲ့ ကျနော့ အမေက ပြာသိုလမှာ မွေးတာပါ။
ဒါနဲ့ ကြော်ငြာဝင်တယ်ပဲဆိုဆို၊ ကြွားတယ်ပဲဆိုဆို အမယ် ကျနော့အဖေကလည်း ၀ါဆိုဖွား ဗျို့။

သက္ကရာဇ်ဟောင်းရဲ့ ဝေဒနာ

နှစ်ဟောင်းက အညံ့တွေစွန့်လို့
“နှစ်သစ်ကို ကြိုဆိုကြစို့” တဲ့
ကျုပ်လည်း နှစ်သစ်ဖြစ်ခဲ့ဖူးပါရဲ့။

ဒါနဲ့များ
ကျုပ်ကပဲ အညံ့အဆိုးတွေ ပေးခဲ့သလို
တစ်နှစ်လုံး ကျုပ်နဲ့ လက်တွဲခဲ့ပြီးမှ
တွဲလက်တွေ ခါ,ထုတ်ခဲ့ကြတာ
နှုတ်ဆက်ဖော်တောင် မရကြဘူး။

ကျုပ်မှာသာ
ရင်ဘတ်ပေါက်နဲ့ လမ်းလျှောက်
အောင့်သက်သက် ညထဲ
ရေထဲ ရေရောလို့
နှလုံးသား ဟက်တက်နဲ့
အက် ကွဲ ပြီး သံယောင်လိုက် ညာ
“ဟတ်ပီးနယူးရီးယား” ပါ။

လေပြည်
၃၁.၁၂.၂၀၀၇

လွန်ခဲ့တဲ့ (၃) နှစ်လောက်က ရေးခဲ့တာလေးပါ။
ဒီနေ့ ဒီဇင်ဘာ ၃၁ ရက်ဆိုတော့ ကဗျာလေး ၃ နှစ်ပြည့်အဖြစ် တင်ထားလိုက်ပါတယ်။

“ .... .... .... ”

အချစ်လား
ဘ၀တစ်ပါးမှာ ငိုကာ ထားခဲ့တယ်။

ကျနော်လား
အမေ့ရင်မှာ ခိုကာ နားခဲ့တယ်။

ဒီလိုနဲ့
လူပုံက ခပ်ထက်ထက်
စိတ်က လက်တစ်ဆစ်နဲ့
ကျနော့ကိုယ် ကျနော် ဆွဲနှစ်ခဲ့တယ်။

“မျိုးချစ်” ဆိုတဲ့ ဂယက်မှာ။

လေပြည်
(၂၄-၁၂-၂၀၁၀၊ သောကြာနေ့၊ ညနေ ၅း၀၀)

ဘာရယ်မဟုတ်ပါဘူး။ တစ်စုံတစ်ယောက်ကို သတိရလို့ ရေးဖြစ်သွားတာပါ။
သူက တောင်ပံချိုးခံထားရပြီး ခုထိ တောင်ပံခတ်ခွင့် မရသေးဘူး။
သူ့ရဲ့ ချစ်သူကတော့ တောင်ပံခတ်ခွင့်လေးတောင် မရခဲ့ပါဘူး။

အတွေးများ

အရူး
အရူးတွေဟာ အရင်လုပ်တယ်။ နောက်မှ တွေးတယ်။
ဒါကြောင့် အမှားတွေနဲ့ မကုန်နိုင်တဲ့ ဒုက္ခတွေကို ကြုံတွေ့ကြရတယ်။

လူတော်
လူတော်တွေကတော့ အရင် စဉ်းစားတယ်။ နောက်မှ ဆောင်ရွက်တယ်။
မကြာခဏဆိုသလို လေထဲမှာ တိုက်အိမ်ဆောက်တဲ့ စိတ်ကူးတွေနဲ့ ကျေနပ်နေတတ်ကြတယ်။
သူတို့ရဲ့ အတွေးတွေဟာ သူတို့ရဲ့သတ္တိကို အကြိမ်များစွာ ဖျက်ဆီးပစ်တတ်တယ်။

ပညာရှိ
ပညာရှိတွေကတော့ အတွေးတွေကနေ အလုပ်တွေ လုပ်တယ်။
အလုပ်လုပ်ရင်းလည်း တွေးတယ်။
လုပ်သမျှတွေကို လက်တွေ့ကျကျနဲ့ ဖြစ်နိုင်အောင်လည်း လုပ်တယ်။
သူတို့ဟာ နဝေတိမ်တောင် မဖြစ်ဘူး။
စွမ်းအင်နဲ့ အချိန်ကို သက်သာစေပြီးတော့ ချောမွေ့တဲ့လမ်းကြောင်းပေါ်မှာ အောင်မြင်မှုအတွက် ခရီးဆက်တယ်။

Charles Akara ၏ "The Foolish, The Clever and The Wise" (အရူး၊ လူတော် နှင့် ပညာရှိ) စာအုပ် မှ “Thoughts” (အတွေးများ) စာပိုဒ်အား ဘာသာပြန်ဆိုသည်။

အေးစက်စက် ဒီဇင်ဘာ

မနေ့က အအေးလွန်ကဲလို့
ဒီနေ့ ချောင်းကလေး တဟွပ်ဟွပ်နဲ့
ညနေဆို ငါ ဖျားချင်နေပြီ
ကျေနပ်တော့ ဒီဇင်ဘာ။

အပြင်မထွက်ချင်ဘူး
ဟော ဟိုမှာ ဒီဇင်ဘာ။

သွားကြည့် ဒီဇင်ဘာ
စားကြည့် ဒီဇင်ဘာ
လမ်းတကာမှာ ဒီဇင်ဘာ
စောစော “ဒီ” လို့
စောစော “ဇင်” လို့
စောစော “ဘာ” ထား လိုက်ကြတာ
မြို့ပေါ်က ခေတ်ပေါ် ဒီဇင်ဘာ။

လောကကို ဒီဇင်ဘာကြည့်,ကြည့်
ဒီဇင်ဘာတွေ မြင်
နတ်တော်၊ ပြာသိုပင် ရောက်ခဲ့ပေါ့
ဒီဇင်ဘာမှာ လျှောက်ခဲ့တဲ့လမ်း
ငါလည်း ဒီဇင်ဘာ နှစ်ခါလည်သားတောင်ရှိပေါ့
နင်းချေလိုက်တော့ ဒီဇင်ဘာ။

မရယ်ပါနဲ့ ဒီဇင်ဘာ
မလှောင်ပါနဲ့ ဒီဇင်ဘာ
ယောင်လည်ယောင်လည် ငါ့ကို
မယောင်မလည် မလုပ်ပါနဲ့
နားလည်ပါးရိုက် မလုပ်ပါနဲ့
ဒီဇင်ဘာအကြောင်း
ဒီဇင်ဘာ အသိဆုံးမို့
အေးစက်ခွင့်ပြုပါ ဒီဇင်ဘာ။

ဒီ+ဇင်+ဘာ = ၁၂
စာဆိုတော်ကြီး ဒီဇင်ဘာ
ချစ်နှင်းမှုန်ထဲက ဒီဇင်ဘာ
စိုသော ဒီဇင်ဘာ
ချိုသော ဒီဇင်ဘာ
ငါ ငိုသော ဒီဇင်ဘာ။

ကြားရဲ့လား ဒီဇင်ဘာ
ခါးတယ်လား ဒီဇင်ဘာ
လှောင်တာလား ဒီဇင်ဘာ
လောင်နေတာပါ ဒီဇင်ဘာ
မြင်ရဲ့လား ဒီဇင်ဘာ
ဒီဇင်ဘာမြင်းကို စိုင်း
ခုထိ အရိုးပြိုင်းပြိုင်း ထခဲ့တာကြာပေါ့
ခရီးရောက်ရဲ့လား ဒီဇင်ဘာ။

ဒီလိုနဲ့ ဒီဇင်ဘာကို တည်
ဒီဇင်ဘာနဲ့ စား
ဒီဇင်ဘာ အကြွင်းကို
ဒီဇင်ဘာ အလွမ်းနဲ့ ပေါင်း
အိမ်မက်တွေ “ဆောင်း” ဖြစ်နေပြီ ဒီဇင်ဘာ။

ကြိုနေပါ ဒီဇင်ဘာ
အေးစက်စက်နဲ့ပဲ ဖြစ်ဖြစ်
အလွမ်းသက်သက်နဲ့ပဲဖြစ်ဖြစ်
ငါ ပြန်လာမှာပါ ဒီဇင်ဘာ။

လေပြည်
(၈.၁၂.၂၀၀၉၊ ည ၁း၀၀ နာရီ)

မလေးရှားရောက် (၂) နှစ်ပြည့်တုန်းက ရေးခဲ့တဲ့ ကဗျာလေးပါ။ အခုတော့ (၃) နှစ်ပြည့်အထိမ်းအမှတ်အဖြစ် ဘလော့ဂ်ပေါ် တင်လိုက်ပါတယ်။