အရယ်အပြုံးတွေ မရှိတော့ဘူး
အရာရာအားလုံး တိတ်ဆိတ်
မျက်ရည်တွေ ဖိတ်ခဲ့ပြီ။
ပန်းတွေ မြေခတဲ့ည
ကမ်းတွေ ပြိုကျတဲ့ည
မီးစာတွေ ကုန်တဲ့ည
အဲဒီညမှာ
(အဖေ အမေရေ
ညီလေးရေ ညီမလေးရေ)
ခေါ်သံတွေ ခေါ်ရာမ၀င်တော့တဲ့နောက်
အရာရာဟာ ...
ခေါ်မကြား အော်မကြား နိုင်လွန်းခဲ့တယ်။
နောက်ထပ်
မြင်ခွင့်မရတော့
ဖြစ်တည်ခွင့်လည်း မရတော့။
ရွက်ဝါတွေ ကြွေလွင့်
နှင်းဆီဝါ၀ါတွေ ကြွေလွင့်
ဂန္ဓမာပန်းအ၀ါတွေ ကြွေလွင့်
ဒီလိုနဲ့
နောက်ဆုံး
အားလုံး ကြွေလွင့်သွားခဲ့ရတယ်။
(မ၀ါဝါ ကောင်းရာ သုဂတိလားပါစေ။)
လေပြည်
(၂၅-၁၁-၂၀၁၀၊ နေ့လည် ၁၂း၂၂)
(23.11.2010) အင်္ဂါနေ့တွင် BRO ကျောင်းမှ ဆရာမ ဒေါ်ဝါ၀ါအေး ရုတ်တရက် ကွယ်လွန်သွားခဲ့ကြောင်းသိရပြီး မိသားစုနှင့် ထပ်တူထပ်မျှ ၀မ်းနည်းမိပါကြောင်း။)
No comments:
Post a Comment