ဘူတာအမှတ် ၆၁

ရခိုင်ရိုးမထဲက ဓားသိုင်းနဲ့
ဇူလိုင်မိုးမခထဲက ပန်းရိုင်းလို
အရိုင်းအစိုင်းကို လှခဲ့တာ
အဖေ။

ပုန်းညက်လှေလေးနဲ့ နေ့ရက်များ
ဒီရေတက်ခဲ့တဲ့ အိမ်လေးနဲ့
အင်ဂျင်တစ်ခုလုံး ၀ါးမြိုခံခဲ့ရတာတောင်
ဧရာဝတီကို မမုန်းခဲ့တာ
အဖေ။

အညာနွေ နေပူကျဲအောက်က
ပတ်ကြားအက် ခြေဖနောင့်တွေ
ရိုးမ မုန်တိုင်းထဲ
တစ်မိုးလုံး တင်းခဲ့တဲ့ မာနနဲ့
ရိုးမတောင်တန်းတွေပေါ်
တစ်ဆောင်းလုံး လီဗာဗျင်းခဲ့တာ
အဖေ။

ခန်းလုံးပြည့် ပန်းချီတွေနဲ့ ကာရံထားတဲ့အိမ်မှာ
အဖေနဲ့အတူ ခေါင်မိုးတွေမိုး
စည်းရိုးတွေခတ်
ထင်းတွေဖြတ်
ထုံးတွေသုတ်
ပေါင်းတွေခုတ်
ရေမြောင်းတွေလည်း တူးခဲ့တယ်။

အဖေရေးခဲ့တဲ့ ဆေးရေးပန်ချီးမှာ
သံစဉ်မဲ့ စကားသံတွေ ရှိတယ်။
အဖေသွေးခဲ့တဲ့ ဓားမှာ
မှော်အောင်နေတဲ့ သတ္တိတွေရှိတယ်။

ခြေဆန့်ခဲ့တဲ့ ဘ၀တစ်လျှောက်
သေချင်စော်နံ လောကဓံထဲ
အဖေပေးခဲ့တဲ့ သင်ခန်းစာက
မိုးရွာသော နေ့တစ်နေ့

အခုတော့ တစ်သက်လုံး သုံးမကုန်တဲ့
အဖေ့စကားလက်ဆောင်နဲ့
အဖေ့တန်ဖိုးတွေ နားလည်
အဖေပေးတဲ့ သွေးနဲ့
အားလုံးကို ရင်ဆိုင်ရဲပါတယ် အဖေ။

ခုဆို
အဖေက
၆၁ ဘူတာကို ဖြတ်ကျော်ခဲ့ပြီး
ရထားတစ်စီးလို ဆက်လက်ခုန်းမောင်းနေဆဲ။

လေပြည်
ကဗျာလေးက ဖေ့ဖေ့ ၆၁ နှစ်ပြည့်မွေးနေ့ အမှတ်တရ မနှစ်ကရေးခဲ့တာပါ။ ဒီပို့စ် တင်တဲ့အချိန်ကတော့ ၆၂ နှစ်ပြည့်ပေါ့။ ဒီလ August (၁) ရက်နေ့က ဖေဖေ့မွေးနေ့လေ။

လုံးဝ ရန်မဖြစ်ပါနဲ့

ကိုယ့်အစွမ်းအစကို ယုံကြည်သူအဖို့
ရန်ဖြစ်ဖို့ အချိန်မပေးနိုင်
ခွေးကို လမ်းဖယ်ပေးရတာဟာ
ခွေးကိုက်ခံရတာနဲ့ နှိုင်းစာရင်
ပို အကျိုးရှိပါလိမ့်မယ်။

လင်ကွန်း (Lincoln)

စိတ်တိုပြီး ရန်ဖြစ်ချင်လာရင် လင်ကွန်းရဲ့ ဒီစကားလေးကို သတိရမိတယ်။

အားနည်းရပ်ဝန်း

ဘ၀တွေ မိုးမှောင်ကျလိုက်ပုံများ
ဘယ်အလင်းမှ လိုက်မမှီဘူး
လက်တွေ့မှာ ပူရင်နီတယ်
ပန်းချီကားမှာ ဖြူတာနဲ့ပြတယ်
ဂဲ(ခဲ)ကျရင် ချက်ချင်းမျက်နှာပျက်တတ်တဲ့ ရေပြင်မှာ
စက်ဝိုင်းတွေ အထပ်ထပ်ဆွဲလို့
ဘာမှ မဖြစ်တဲ့သူကြည့်ရင်
ဘာမှ ဖြစ်မှာမဟုတ်ဘူး
ခုတော့
မတော်တဆ ဖြစ်ရပ်လေးတောင်
ပလာစတာတွေ ကပ်လို့
ငါ ကိုယ်က
အသည်းငယ်လွန်းခဲ့ ...။ ။

လေပြည်

အဖြူရောင်ကလေးငယ်သို့

ငိုကြွေးခြင်းနဲ့ စတဲ့ဘ၀မှာ
မျက်ရည်ပြဇာတ်တွေ လှိမ့်ကရင်း
စိတ်ပျက်အားငယ်နေပြီလား။

လောကအကြောင်းမသိသေးခင်
ဓားထမ်း ကျော်ခံခဲ့ရတာ
မင်းတစ်ယောက်ထဲမှ မဟုတ်ဘဲ ငါ့ညီရာ။

အစီးအနင်းကြမ်းတဲ့ နက္ခတ်တွေထဲ
မင်းမာနတွေ ယစ်ပူဇော်ရဦးမယ်
အတုအယောင်တွေကြား
ဟန်ဆောင်ရုပ်တွေ ထုရဦးမယ်။

အမှောင်မိုက်ဆုံး ညတွေထဲ
ရင်ခုန်သံ အသေတွေနဲ့ ရှင်သန်ရဦးမယ်။
မပြည့်စုံခြင်းကမ္ဘာမှာ
တပ်မက်မှုတွေ မြိုသိပ်ရဦးမယ်။

စိတ်ညစ်ခဲ့ရင်
ထွက်ပေါက်မရှာနဲ့
ဟောသလိုပဲ
... ... ... .... ...
ဖောက်ထွက်ခဲ့။ ။

လေပြည်

အထင်မလွဲပါနဲ့

ဆုံးဖြတ်ရဲသူကို ဇွတ်တရွတ်ဆန်တယ်
ချင့်ချိန်တတ်သူကို သူရဲဘောကြောင်တယ်
ရက်ရောတတ်သူကို လက်ဖွာတယ်
စည်းကမ်းနဲ့ပေးသူကို ကပ်စေးနှဲတယ်
ဦးဆောင်နိုင်သူကို နေရာယူတယ်
ကျွမ်းကျင်သူကို လည်လွန်းတယ်လို့
အထင်မလွဲပါနဲ့
တကယ် အထင်မလွဲလိုက်ပါနဲ့။

လေပြည်

မိုးဦးလေ

တိမ်တိုက်တွေ ပြိုပြိုကျလို့
လည်စင်းခံထားရတာပါ။
တကယ်ဆို
မိုးရွာဖို့ မကောင်းဘူး။

ခေါင်းထောင်ပြီး ထ,တိုက်တော့
“မုန်တိုင်း” တဲ့
တကယ့်တော့
ငါက .......... ပါ။

လေပြည်

မြက်ခင်း

ဘယ်သူသေသေ
ငတေမာရင်ပြီးရော ဆိုပြီး
ဟောဒီ ဦးခေါင်းပေါ်
ဆန္ဒတွေ နင်းနင်းသွားကြ။

တချို့က မသိမသာ
တချို့က မညှာမတာ
တချို့လည်း ကြင်ကြင်နာနာ။

ဈေးကွက်စီးပွားရေးဆိုတဲ့
အကြောင်းအရာတွေ ၀င်လာတဲ့နေ့
ရေတွေလောင်း ပေါင်းတွေသင်
ဗီတာမင်ကျွေး အလှမွေးနဲ့
ရင်ဘတ်အချက်လိုက်
ခွာချခံရတာတောင်
ငါ့မှာ
ခုထိ စိမ်းပေးနေရတုန်း။

လေပြည်